ആർത്തവ വേദനയ്ക്കുള്ള ഏറ്റവും മികച്ച ചികിത്സ എന്താണ്?

നേരിയ രീതിയിൽ ഉള്ളത് മുതൽ മിതമായ രീതിയിലുള്ള ആർത്തവ വേദനയ്ക്ക്, വ്യക്തിയുടെ ആവശ്യങ്ങൾക്കും അവരുടെ വേദനയുടെ തീവ്രതയ്ക്കും അനുസരിച്ചു വീട്ടുവൈദ്യങ്ങളും ആർത്തവ വേദന പരിഹാര മരുന്നുകളും ഏറ്റവും മികച്ച ചികിത്സയാണ്. കൂടുതൽ ഗുരുത്തരമായതോ നിരന്തരമായതോ ആയ വേദനയ്ക്കും അപകട ലക്ഷണങ്ങളോട് കൂടിയ വേദനയ്ക്കും ഒരു ഗൈനക്കോളജിസ്റ്റിനെ കൺസൾട്ട് ചെയ്യാൻ ശുപാർശ ചെയ്യുന്നു.

പലർക്കും, ഗൈനക്കോളജിസ്റ്റ് നിർദ്ദേശിക്കുന്ന നോൺ-സ്റ്റിറോയിഡൽ ആൻറി-ഇൻഫ്ലമേറ്ററി മരുന്നുകൾ (എൻഎസ്എഐഡികൾ) വളരെ ഫലപ്രദമാണ്. ഗർഭാശയത്തിലെ പേശികളുടെ സങ്കോചവികാസങ്ങൾക്കും വേദനയ്ക്കും കാരണമാകുന്ന ഹോർമോൺ പോലുള്ള പദാർത്ഥങ്ങളായ പ്രോസ്റ്റാഗ്ലാൻഡിനുകളുടെ ഉത്പാദനം കുറയ്ക്കുന്നതിലൂടെയാണ് ഈ മരുന്നുകൾ പ്രവർത്തിക്കുന്നത്. മരുന്നുകൾക്ക് പുറമേ, ലളിതവും എളുപ്പത്തിൽ പ്രയോഗിക്കാവുന്നതുമായ വീട്ടുവൈദ്യങ്ങളിൽ ചൂടുവെള്ളമുള്ള കുപ്പി അല്ലെങ്കിൽ ഹീറ്റിംഗ് പാഡ് ഉപയോഗിച്ച് അടിവയറ്റിൽ ചൂട് പിടിപ്പിക്കുക, യോഗ അല്ലെങ്കിൽ നടത്തം പോലുള്ള ലഘുവായ വ്യായാമം ചെയ്യുക, ഭക്ഷണത്തിൽ മാറ്റങ്ങൾ വരുത്തുക എന്നിവ ഉൾപ്പെടുന്നു.

ഇന്ത്യയിൽ, ജീരകം, അയമോദകം തുടങ്ങിയ ചേരുവകളുള്ള ഹെർബൽ ചായ, ഇഞ്ചി, കുരുമുളക് എന്നിവയുടെ മിശ്രിതം എന്നിങ്ങനെയുള്ളവ കഴിക്കുന്നത് പോലെയുള്ള പരമ്പരാഗത പരിഹാരങ്ങൾ ജനപ്രിയമാണ്. ഇവ ആന്റി-ഇൻഫ്ലമേറ്ററി സവിശേഷതകൾ ഉള്ളവയും പേശീ വേദന കുറയ്ക്കുന്നതിന് ഫലപ്രദവുമാണ്.

ഇന്ത്യയിൽ കൗമാരപ്രായത്തിലുള്ളവരും യുവതികളുമായ 60 മുതൽ 90% വരെയുള്ള സ്ത്രീകളും ആർത്തവ വേദന അനുഭവിക്കുന്നവരാണ്, എന്നാൽ ഈ അസ്വസ്ഥതയെ “ഈ വേദന എല്ലാവർക്കും ഉള്ളതാണ്” എന്ന് വാചകത്തിൽ അവർ ഒതുക്കി കളയുന്നു