ଋତୁସ୍ରାବ ସମୟରେ ମୋତେ ଡାଏରିଆ କାହିଁକି ହୁଏ?

ଋତୁସ୍ରାବ ସମୟରେ ଡାଇରିଆ ହେବାର କାରଣ ହେଉଛି ପ୍ରୋଷ୍ଟାଗ୍ଲାଣ୍ଡିନସ୍ (ଯନ୍ତ୍ରଣାଦାୟକ ରାସାୟନିକ ପଦାର୍ଥ)ର ଅତ୍ୟଧିକ ନିର୍ଗତ ହେବା ଯାହା ରକ୍ତ ପ୍ରବାହରେ ପ୍ରବେଶ କରି ଅନ୍ତ୍ରନଳୀ (ଯାହାକୁ ଗଟ୍/ ବାୱେଲ୍ସ ମଧ୍ୟ କୁହାଯାଏ) ପର୍ଯ୍ୟନ୍ତ ଯାଏ ଏବଂ ଅନ୍ତ୍ରନଳୀର ଭିତର ସ୍ତରକୁ ଉତ୍ତେଜିତ କରିଥାଏ, ଯାହା ଫଳରେ ଦ୍ରୁତ ସଂକୋଚନ ଏବଂ ପତଳା ଝାଡ଼ା (ଡାଏରିଆ) ହୋଇଥାଏ ।

ଝାଡ଼ା ଏବଂ ପତଳା ଝାଡ଼ା (ଯାହାକୁ ବେଳେବେଳେ “ପିରିୟଡ୍ ପୁପ୍ସ” କୁହାଯାଏ) ହେଉଛି ଋତୁସ୍ରାବର ଏକ ଅତି ସାଧାରଣ ହଜମ ପ୍ରକ୍ରିୟା ସମ୍ବନ୍ଧୀୟ ପାର୍ଶ୍ୱ ପ୍ରତିକ୍ରିୟା । ବାନ୍ତି ଲାଗିବା ଏବଂ ବାନ୍ତି ହେବା ପରି, ଝାଡ଼ା ମଧ୍ୟ ପ୍ରୋଷ୍ଟାଗ୍ଲାଣ୍ଡିନସ୍‌ର ଅତ୍ୟଧିକ ନିର୍ଗତ ସହ ସିଧାସଳଖ ଜଡ଼ିତ ।

ଋତୁସ୍ରାବ ସମୟରେ ଡାଏରିଆ ହେବା ଏହା ନିଶ୍ଚିତ କରେ ଯେ ଆପଣଙ୍କ ଶରୀରରେ ପ୍ରୋଷ୍ଟାଗ୍ଲାଣ୍ଡିନସ୍ ଅଧିକ ମାତ୍ରାରେ ତିଆରି ହେଉଛି, ଯାହାର ଅର୍ଥ ହେଉଛି ଆପଣ ପ୍ରାୟ ନିଶ୍ଚିତ ଭାବରେ ଋତୁସ୍ରାବ ଜନିତ ଯନ୍ତ୍ରଣାରେ ପୀଡ଼ିତ, ଯାହାକୁ ପ୍ରାଇମେରୀ ଡିସମେନୋରିଆ ମଧ୍ୟ କୁହାଯାଏ ।