மாதவிலக்கு காலத்தில் ஏற்படும்  வயிற்று வலியில் இருந்து எப்படி உடனடியாகவும் இயல்பாகவும் நிவாரணம் பெறுவது மற்றும் அதை எப்படிக் கட்டுப்படுத்துவது?

வீட்டு வைத்தியங்கள் மூலம் வலியைக் கட்டுப்படுத்த நீங்கள் விரும்பினால், உங்கள் உடலை சாந்தப்படுத்தும் உணவுகள் மற்றும் நடத்தைகளில் கவனம் செலுத்துங்கள்:

• ஓமம்: ஒரு சிட்டிகை ஓமத்தை மென்று சாப்பிடவும் அல்லது ஓமத் தண்ணீர் குடிக்கவும். ஓமத்தில் தைமால் உள்ளது. இது இயற்கையாகத் தசைப்பிடிப்பை நீக்கி, வயிற்றில் ஏற்படும் சிரமத்தைக் குறைக்கிறது.
• இஞ்சி-மஞ்சள் தேநீர்: புதிய இஞ்சியுடன் ஒரு சிட்டிகை மஞ்சள் சேர்த்து தேநீர் தயாரிக்கவும். இவை இரண்டும் ஆற்றல்வாய்ந்த அழற்சி எதிர்ப்புப் பண்புகளைக் கொண்டவை. அவை கருப்பை அழற்சியைத் தணித்து உடலுக்கு வெப்பத்தை அளிக்க உதவுகின்றன.
• வெந்நீர்க் குளியல்: ஒட்டுமொத்தமான கதகதப்பு உங்கள் இடுப்புப் பகுதி மற்றும் கீழ் முதுகில் உள்ள தசைகளைத் தளர்த்தி பொதுவான இறுக்கத்தையும் வலியையும் குறைக்க உதவுகிறது.
• இதமாக நீங்களாகவே மசாஜ் செய்துகொள்ளுங்கள்: அத்தியாவசிய எண்ணெய்களைப் பயன்படுத்தி இதமாக மசாஜ் செய்வது வயிற்றுத் தசைகளைத் தளர்த்த உதவுகிறது.

நிவாரணம் எதிர்பார்க்கப்படும் நேரம்: பொதுவாக 4 முதல் 6 மணி நேரத்திற்குள் நிவாரணம் தொடங்குகிறது. இருந்தாலும் ஒவ்வொரு பெண்ணின் உடலும் வித்தியாசமாக எதிர்வினையாற்றுவதால் நிவாரணம் தொடங்கும் சரியான நேரம் மாறுபடலாம்.