ಮುಟ್ಟಿನ ನೋವಿನ ಲಕ್ಷಣಗಳಾವುವು?

ಮುಟ್ಟಿನ ನೋವು, ಇದನ್ನು ಡಿಸ್ಮೆನೋರಿಯಾ ಎಂದೂ ಕರೆಯಲಾಗುತ್ತಿದ್ದು, ಇದರಲ್ಲಿ ಗರ್ಭಾಶಯ ಇರುವ ಪ್ರದೇಶ ಅಂದರೆ ನಿಮ್ಮ ಹೊಕ್ಕಳ ಕೆಳಗಿನ ಭಾಗದಲ್ಲಿ ಸೆಳೆತ ಅಥವಾ ಪುಟಿಯುವ ನೋವು ಇರುತ್ತದೆ. ಇದು ಮುಖ್ಯ ಲಕ್ಷಣವಾಗಿದ್ದರೂ ಸಹ ಇದನ್ನು ಭಾರತದಲ್ಲಿ ಸಾಮಾನ್ಯವಾಗಿ ಮಹಿಳೆಯ “ಸಹಜ” ಜೀವನದ ಒಂದು ಭಾಗವೆಂದು ಅಸಡ್ಡೆ ಮಾಡಲಾಗತ್ತದೆ. ಆದರೆ ಕೆಲವೊಮ್ಮೆ ಇದು ಬೇರೆ ಲಕ್ಷಣಗಳೊಂದಿಗೆ ಕಾಣಿಸಿಕೊಂಡಾಗ, ಇದನ್ನು ನಿರ್ಲಕ್ಷಿಸಬಾರದು.

ಈ ಕೆಳಗಿನ ಲಕ್ಷಣಗಳಿದ್ದಲ್ಲಿ, ಗಮನ ನೀಡಿ:

• ನಿಮ್ಮ ಬೆನ್ನು ಮತ್ತು ತೊಡೆಗಳಲ್ಲಿ ಮಂದ ನೋವು
• ನಿಮ್ಮ ಮುಟ್ಟಿನ ಸಮಯದಲ್ಲಿ ವಾಕರಿಕೆ, ವಾಂತಿ ಅಥವಾ ಬೇಧಿಯಾಗುವುದು
• ಸುಸ್ತು, ನಿಶಕ್ತಿ ಎನಿಸುವಂತಹ ತಲೆನೋವು ಮತ್ತು ಆಯಾಸ
• ಹೊಟ್ಟೆ ಉಬ್ಬರ ಅಥವಾ ಹೊಟ್ಟೆ ಭಾರ ಎನಿಸುವುದು

ಶೇಖಡಾ 80%ರಷ್ಟು ಭಾರತೀಯ ಮಹಿಳೆಯರು ಮತ್ತು ಹುಡುಗಿಯರು ಡಿಸ್ಮೆನೋರಿಯಾ ನಿಂದ ಬಳಲುತ್ತಿದ್ದಾರೆ. ಒಂದುವೇಳೆ ನಿಮ್ಮ ಮುಟ್ಟಿನ ನೋವು ಮಧ್ಯಮದಿಂದ ತೀವ್ರವಾಗಿದ್ದರೆ ಅಥವಾ ಯಾವುದೇ ಮೇಲಿನ ಗಮನ ಕೊಡಬೇಕಾದ ಲಕ್ಷಣಗಳೊಂದಿಗೆ ಕಾಣಿಸಿಕೊಂಡಲ್ಲಿ, ನೀವು ತಕ್ಷಣವೇ ಸ್ತ್ರೀರೋಗ ತಜ್ಞರನ್ನು ಭೇಟಿ ಮಾಡಿ.