ಮುಟ್ಟಿನ ಸಮಯದಲ್ಲಿನ ನನ್ನ ಸೊಂಟ ನೋವು ತೊಡೆಗಳಲ್ಲಿಯೂ ಏಕೆ ಹೋಗುತ್ತದೆ?

ಮುಟ್ಟಿನ ನೋವು ನಿಮ್ಮ ತೊಡೆಗಳು ಮತ್ತು ಕೆಳ ಬೆನ್ನಿನವರೆಗೂ ಸಹ ಹೋಗಬಹುದು, ಕಾರಣ ನಿಮ್ಮ ದೇಹದಲ್ಲಿನ ನರಗಳ ಜೋಡಣೆಯ ರೀತಿ. ಗರ್ಭಕೋಶದಲ್ಲಿ ಸೆಳೆತ ಉಂಟಾದಾಗ, ನಿಮ್ಮ ಕಾಲುಗಳು ಮತ್ತು ಬೆನ್ನು ಸೇರಿದಂತೆ ನಿಮ್ಮ ದೇಹದ ಇತರ ಭಾಗಗಳಿಗೂ ಸಹ ಅಲ್ಲಿರುವ ನರಗಳು ನೋವಿನ ಸಂಕೇತಗಳನ್ನು ಕಳುಹಿಸಬಹುದು.

ಭಾರತದಲ್ಲಿನ ಅನೇಕ ಮಹಿಳೆಯರು ಮುಟ್ಟಿನ ಸಮಯದಲ್ಲಿ ಬರುವ ಸಹಜ ನೋವು ಎಂದು ಯೋಚಿಸುತ್ತಾರೆ. ಆದರೆ ಈ ನೋವು ತೀವ್ರವಾದರೆ, ಹದಗೆಟ್ಟರೆ, ನಿಮ್ಮ ದಿನನಿತ್ಯದ ಜೀವನದಲ್ಲಿ ಅಡಚಣೆಯನ್ನುಂಟು ಮಾಡುತ್ತಿದ್ದರೆ ಅಥವಾ ಬೇರೆ ಲಕ್ಷಣಗಳೊಂದಿಗೆ ಕಾಣಿಸಿಕೊಳ್ಳುತ್ತಿದ್ದರೆ ಆಗ ಈ ಕೆಳಗಿನ ಸಮಸ್ಯೆ ಇರಬಹುದು ಎಂದು ಗಮನಿಸಬೇಕಾಗುತ್ತದೆ:

• ಎಂಡೋಮೆಟ್ರಿಯೋಸಿಸ್: ಈ ಸ್ಥಿತಿಯಲ್ಲಿ, ಗರ್ಭಾಶಯದ ಪದರದ ರೀತಿಯಾಗಿರುವ ಅಂಗಾಂಶಗಳು ಗರ್ಭಕೋಶದ ಹೊರಗಿನ ಭಾಗ ಬೆಳೆಯುತ್ತದೆ, ಇದು ತೀವ್ರ ಸೆಳೆತ ಮತ್ತು ನೋವು ಉಂಟುಮಾಡುತ್ತದೆ ಮತ್ತು ನೋವು ಕೆಳಭಾಗದ ಕಿಬ್ಬೊಟ್ಟೆ, ಬೆನ್ನು ಮತ್ತು ತೊಡೆಗಳವರೆಗೂ ಸಹ ಸಾಗುತ್ತದೆ.
• ಗರ್ಭಾಶಯದ ಫೈಬ್ರಾಯ್ಡ್: ಇವು ಕ್ಯಾನ್ಸರ್ ಕಾರಕವಲ್ಲದ ಗೆಡ್ಡೆಗಳು. ಇದು ಆ ಪ್ರದೇಶದ ಸುತ್ತಮುತ್ತಲಿನ ನರಗಳ ಮೇಲೆ ಒತ್ತಡ ಹೇರಿ ನೋವು ತರುತ್ತದೆ. ಈ ನೋವು ಕೆಳ ಬೆನ್ನು ಮತ್ತು ಕಾಲುಗಳವರೆಗೆ ಸಾಗುತ್ತದೆ.