ಮುಟ್ಟಿನ ನೋವಿನ ಕಾರಣವೇನು?

ಮುಟ್ಟಿನ ನೋವು(ಡಿಸ್ಮೆನೋರಿಯಾ) ಬರಲು ಜೈವಿಕ ಕಾರಣ ಇರಬಹುದು. ದೇಹವು ಅತಿ ಒತ್ತಡದಲ್ಲಿದ್ದಾಗ ಪ್ರೋಸ್ಟಾಗ್ಲ್ಯಾಂಡಿನ್ಸ್ ಎಂದು ಕರೆಯಲಾಗುವ ಹಾರ್ಮೋನ್ ರೀತಿಯ ಅಂಶಗಳನ್ನು ಹೆಚ್ಚಾಗಿ ಉತ್ಪತ್ತಿ ಮಾಡುತ್ತವೆ.

ಮತ್ತೊಂದೆಡೆ, ಮುಟ್ಟಿನ ನೋವು ಯಾವುದೇ ವೈದ್ಯಕೀಯ ಕಾರಣವನ್ನೂ ಸಹ ಹೊಂದಿರಬಹುದು. ಒಂದುವೇಳೆ ಎಂಡೋಮೆಟ್ರಿಯೋಸಿಸ್, ಅಡೆನೋಮಯೋಸಿಸ್, ಪಿಸಿಓಎಸ್, ಅಥವಾ ಗರ್ಭಾಶಯದ ಫೈಬ್ರಾಯ್ಡ್ ಇದ್ದಲ್ಲಿ ಆಗಲೂ ಸಹ ಮಹಿಳೆಯರಲ್ಲಿ, ಹುಡುಗಿಯರಲ್ಲಿ ನೋವು ಕಾಣಿಸಿಕೊಳ್ಳಬಹುದು.

ಜೈವಿಕ ಕಾರಣ (ಪ್ರಾಥಮಿಕ ಡಿಸ್ಮೆನೋರಿಯಾ) ಅತ್ಯಂತ ಸಾಮಾನ್ಯ ಮುಟ್ಟಿನ ನೋವಿನ ಪ್ರಕಾರವಾಗಿದ್ದು, ಒಂದು ಅಧ್ಯಯನದ ಪ್ರಕಾರ, ಭಾರತದಲ್ಲಿ ಸುಮಾರು 60–90% ಹುಡುಗಿಯರು ಮತ್ತು ಯುವ ಮಹಿಳೆಯರು ಇದರಿಂದ ಬಳಲುತ್ತಿದ್ದಾರೆ ಎಂದು ಅಂದಾಜಿಸಲಾಗಿದೆ. ಇದನ್ನು ಸಾಮಾನ್ಯವಾಗಿ ಜನರು “ಎಲ್ಲರಿಗೂ ಇರುತ್ತದೆ” ಎಂದು ಅಸಡ್ಡೆ ಮಾಡುತ್ತಾರೆ.

ವೈದ್ಯಕೀಯ ಕಾರಣಗಳಿಂದ ಉಂಟಾಗುವ ನೋವು (ಸೆಕೆಂಡರಿ ಡಿಸ್ಮೆನೋರಿಯಾ) ದೊಡ್ಡ ಚಿಂತೆಯ ವಿಷಯವಾಗಿದೆ, ಕಾರಣ ಮುಟ್ಟಿನ ನೋವನ್ನು ಸಾಮಾನ್ಯವೆಂದುಕೊಳ್ಳುವುದರಿಂದ ರೋಗ ಪತ್ತೆ ಮಾಡಲು ಬಹಳ ತಡವಾಗುತ್ತದೆ. ಉದಾಹರಣೆಗೆ, ಒಂದು ಸಮೀಕ್ಷೆಯ ಪ್ರಕಾರ ಭಾರತದಲ್ಲಿ ಎಂಡೋಮೆಟ್ರಿಯೊಸಿಸ್ ಸರಾಸರಿ ಸುಮಾರು 10 ವರ್ಷಗಳವರೆಗೆ ಪತ್ತೆಯಾಗದೇ ಇರುತ್ತದೆ. ಇದಕ್ಕೆ ಕಾರಣ ಮುಟ್ಟಿನ ನೋವನ್ನು ಸಹಜ ಎಂದು ಯೋಚಿಸಿ ಅಸಡ್ಡೆ ಮಾಡಲಾಗುತ್ತದೆ. ಅದನ್ನು ನಿರ್ಲಕ್ಷಿಸಲಾಗುತ್ತದೆ. ಈ ರೀತಿ ತಡ ಮಾಡುವುದರಿಂದ ಆರಂಭದಲ್ಲೇ ಚಿಕಿತ್ಸೆ ನೀಡಿದರೆ ನಿಯಂತ್ರಿಸಬಹುದಾದ, ದೀರ್ಘಕಾಲದ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತದೆ.