ಮುಟ್ಟಿನ ನೋವಿಗಾಗಿರುವ ಅತ್ಯುತ್ತಮ ಚಿಕಿತ್ಸೆ ಏನು?

ಸೌಮ್ಯದಿಂದ ಮಧ್ಯಮ ಪ್ರಕಾರದ ಮುಟ್ಟಿನ ನೋವಿಗಾಗಿ ಅತ್ಯುತ್ತಮ ಚಿಕಿತ್ಸೆಗಳೆಂದರೆ ಮನೆ ಮದ್ದು ಮತ್ತು ಪ್ರತಿಯೊಬ್ಬರ ಅಗತ್ಯತೆ ಹಾಗೂ ನೋವಿನ ತೀವ್ರತೆಗೆ ಅನುಗುಣವಾಗಿರುವ ಮುಟ್ಟಿನ ನೋವು ನಿವಾರಕ ಔಷಧಿಗಳು. ತೀವ್ರ ಅಥವಾ ನಿರಂತರ ನೋವಿದ್ದರೆ ಅಥವಾ ಗಮನಿಸಬೇಕಾದ ಲಕ್ಷಣಗಳ ಜೊತೆಯಲ್ಲಿ ನೋವಿದ್ದರೆ, ಸ್ತ್ರೀರೋಗತಜ್ಞರನ್ನು ಭೇಟಿ ಮಾಡುವುದು ಒಳ್ಳೆಯದು.

ಅನೇಕ ಮಹಿಳೆಯರಿಗೆ, ಸ್ತ್ರೀರೋಗ ತಜ್ಞರು ಬಹಳ ಪರಿಣಾಮಕಾರಿ ನಾನ್-ಸ್ಟೀರಾಯ್ಡಲ್ ಆಂಟಿ-ಇನ್‌ಫ್ಲಮೇಟರಿ ಔಷಧಗಳನ್ನು (NSAID) ತೆಗೆದುಕೊಳ್ಳಲು ಶಿಫಾರಸ್ಸು ಮಾಡುತ್ತಾರೆ. ಈ ಔಷಧಿಗಳು ಗರ್ಭಾಶಯದ ಸ್ನಾಯು ಸಂಕೋಚನಗಳು ಮತ್ತು ನೋವಿಗೆ ಕಾರಣವಾಗಿರುವ ಹಾರ್ಮೋನ್ ರೀತಿಯ ಅಂಶಗಳಾಗಿರುವ ಪ್ರೋಸ್ಟಾಗ್ಲ್ಯಾಂಡಿನ್ಸ್ ಉತ್ಪಾದನೆಯನ್ನು ಕಡಿಮೆ ಮಾಡುವ ಮೂಲಕ ನೋವನ್ನು ಕಡಿಮೆ ಮಾಡುತ್ತದೆ. ಔಷಧಗಳ ಜೊತೆಯಲ್ಲಿ ಬಿಸಿ ನೀರಿನ ಬಾಟಲಿ ಅಥವಾ ಹೀಟಿಂಗ್ ಪ್ಯಾಡ್ ಬಳಸಿ ಕಿಬ್ಬೊಟ್ಟೆಗೆ ಶಾಖ ನೀಡುವುದು, ಯೋಗ ಅಥವಾ ಕಾಲ್ನಡಿಗೆ, ಆಹಾರಪಥ್ಯೆಯಲ್ಲಿ ಬದಲಾವಣೆ ರೀತಿಯ ಸರಳ ವ್ಯಾಯಾಮಗಳು ಸೇರಿದ ಸರಳ ಮತ್ತು ಸುಲಭ ಮನೆ ಮದ್ದುಗಳು ಸಹ ಬಹಳ ಸಹಕಾರಿಯಾಗಿವೆ.

ಭಾರತದಲ್ಲಿ ಶುಂಠಿ ಮತ್ತು ಕರಿಮೆಣಸು ಕಾಳುಗಳ ಮಿಶ್ರಣದ ಸೇವನೆ ಅಥವಾ ಜೀರಿಗೆ ಮತ್ತು ಓಮ ಕಾಲುಗಳ ಹರ್ಬಲ್ ಚಹಾ ರೀತಿಯ ಸಾಂಪ್ರದಾಯಿಕ ಔಷಧಿಗಳಿವೆ. ಇವುಗಳಲ್ಲಿರುವ ಉರಿಯೂತ ವಿರೋಧಿ ವೈಶಿಷ್ಟ್ಯತೆಗಳಿಗೆ ಅತ್ಯುತ್ತಮವಾಗಿವೆ ಮತ್ತು ಇವು ಸೆಳೆತ ಕಡಿಮೆ ಮಾಡುವ ಸಾಮರ್ಥ್ಯ ಸಹ ಹೊಂದಿದೆ.

ಭಾರತದಲ್ಲಿ ಸುಮಾರು 60–90% ಹದಿಹರೆಯದ ಹುಡುಗಿಯರು ಮತ್ತು ಯುವತಿಯರು ಈ ಮುಟ್ಟಿನ ನೋವನ್ನು ಅನುಭವಿಸುತ್ತಾರೆ, ಆದರೂ ಇದನ್ನು ಸಾಮಾನ್ಯವಾಗಿ “ಎಲ್ಲರಿಗೂ ಆಗುತ್ತದೆ” ಎಂದು ಹೇಳಿ ಅಸಡ್ಡೆ ಮಾಡಲಾಗುತ್ತದೆ.